Tuman Kengashi deputatlari Ismailov Qamariddin Abduraximovich, Yoqubova Xusnora Abduxamidovnalar bozor mamuriyati bilan hamkorlikda tumandagi Markaziy dehqon bozorida bo‘lib, aholini oziq-ovqat mahsulotlari bilan uzluksiz ta’minlash, narx-navo barqarorligiga erishish, mavsum uchun oziq-ovqat mahsulotlari zaxiralari yaratilganligi holatini jamoatchilik nazorati asosida o‘rgandi. Nazorat-taxlil tadbiri davomida “Arzonlashtirilgan savdo yarmarkasi”dagi go'sht, guruch, piyoz, sabzi, kartoshka va boshqa oziq-ovqat mahsulotlarining narxlariga alohida e'tibor qaratildi. Unda mutasaddi rahbarlar, sotuvchi va xaridorlar bilan suhbatlashildi. O‘rganishlar davomida tuman Kengashi deputatlari Q.Ismailov, X.Yoqubovalar tomonidan mahsulot narxlarini asossiz oshirmaslik, shuningdek, sanitariya-gigiyena qoidalariga amal qilgan holda savdo-sotiq ishlarini amalga oshirish yuzasidan tadbirkorlarga tushuntirishlar berildi.