Seminar davomida ishtirokchilar Xolimbeg ovulidagi yoshlarga ajratilgan yer maydonlarida amalga oshirilgan amaliy ishlar, ekinlarning holati va ularni parvarishlash jarayonlari bilan yaqindan tanishdilar.

Tadbirda hududning tajribali dehqonlari tomonidan yoshlarga yerga bo‘lgan e’tibor, agrotexnik tadbirlarni to‘g‘ri qo‘llash, suvdan tejab foydalanish va mo‘l hosil olish sirlari haqida muhim tavsiyalar berildi. Shuningdek, yoshlar o‘zlarini qiziqtirgan savollarga batafsil javob oldilar.

Seminar jarayonida Xolimbeglik yoshlarning o‘z mehnati bilan barpo etgan dalalaridagi hosilning serobligi alohida e’tirof etildi.