Xalq deputatlari Taxiatosh tumani Kengashi kotibiyati bosh mutaxassisi D.Xodjanov deputat Medetova Asiya Nizamatdinovna topshirig‘iga asosan “Xalqlar do‘stligi” MFY 1-kichik tuman hududidagi ko‘p qavatli uylarda amalga oshirilayotgan ta’mirlash ishlari bilan tanishdi.

🏘 O‘rganish davomida O‘zbekiston Respublikasi Prezidentining 2026-yil 5-fevraldagi PQ-48-son qarori ijrosi doirasida ko‘p qavatli uylarni ta’mirlash bo‘yicha olib borilayotgan ishlarning borishi, bajarilgan ishlar sifati hamda mavjud holat joyiga chiqqan holda ko‘zdan kechirildi.

🤝 Shuningdek, hudud aholisi bilan ochiq muloqot o‘tkazilib, ko‘p qavatli uylarni ta’mirlash, obodonlashtirish hamda kommunal xizmatlar bilan bog‘liq fikr va takliflar tinglandi.
Fuqarolar tomonidan deputat nomiga bildirilgan murojaatlar yozib olinib, ularni belgilangan tartibda ko‘rib chiqish va tegishli tashkilotlar bilan hamkorlikda hal etish yuzasidan zarur choralar ko‘rilishi belgilandi.

📌 Joylarda olib borilayotgan bunday o‘rganishlar deputatlik nazoratini kuchaytirish, davlat dasturlari ijrosini monitoring qilish hamda fuqarolar murojaatlariga o‘z vaqtida munosabat bildirishda muhim ahamiyat kasb etadi.