Xalq deputatlari Ishtixon tuman Kengashi deputati Abdurazzaqova Zebo Safarovna Chag‘atoy mahallasida hududdagi profilaktika inspektori faoliyati bilan yaqindan tanishdi.

O‘rganish jarayonida hududdagi jinoyatchilik holati, uning oldini olish va jinoyatlarni barvaqt aniqlash, shuningdek, profilaktika tadbirlari samaradorligi keng qamrovda tahlil qilindi.

Shu jumladan:

• Mahallada jinoyatchilikka qarshi olib borilayotgan targ‘ibot va tushuntirish ishlari;
• Yoshlar va ijtimoiy xavf ostidagi shaxslar bilan profilaktik suhbatlar, ularni kasb-hunarga yo‘naltirish va ijtimoiy nazorat;
• Fuqarolar xavfsizligini ta’minlash bo‘yicha hududiy patrul va monitoring faoliyati;
• Jinoyatchilikni kamaytirish va oldini olish uchun mahalla hamkorligi bilan amalga oshirilayotgan chora-tadbirlar batafsil o‘rganildi.

Deputat tomonidan profilaktika inspektorining amaliy ishlari samaradorligini oshirish, jinoyatchilikni oldini olish bo‘yicha tizimli chora-tadbirlarni kuchaytirish, shuningdek, aholi va yoshlar o‘rtasida profilaktik ishlarni kengaytirish yuzasidan tegishli tavsiyalar berildi.

Mazkur yo‘nalishda olib borilayotgan ishlar doimiy nazorat ostida bo‘lib, hududdagi xavfsizlikni oshirish va jinoyatchilikni kamaytirishga qaratilgan chora-tadbirlar samaradorligini yanada oshirish rejalashtirilmoqda.