Нөкис районы ҳәкимлигиниӊ мәжилислер залында Халық депутатлары Нөкис районлық Кеңесиниң гезектеги жетинши шақырық бесинши сессиясы болып өтти.

Сессия жумысына районлық Кеңес депутатлары ҳәм тийисли тараў басшылары, жергиликли ғалаба хабар қураллары ўәкиллери қатнасты. 

Сессияны Халық депутатлары Нөкис районлық Кеӊеси баслығы З.Зайтов басқарып барды.

Биринши мәселе сектор баслықларының аймақты социал-экономикалық раўажландырыў бойынша 2024-жыл даўамында алып барылған жумыслары ҳаққында сектор басшыларының мәлимлемелери тыңланды.

Екинши мәселе Нөкис районы Әдиллик бөлими тәрепинен 2024-жыл даўамында алып барылған жумыслары бойынша Нөкис районы Әдиллик бөлими баслығы А.Утеулиевтиң есабаты тыңланды. 

Күн тәртибиндеги мәселелер бойынша депутатлар өзлериниң пикир ҳәм усынысларын билдирди. Соң көрилген мәселелер бойынша районлық Кеңес депутатлары тәрепинен тийисли қарарлар қабыл етилди.