2025–2026 o‘quv yilining boshlanishi munosabati bilan 2-sentyabr kuni mamlakatimiz bo‘ylab, jumladan Yangiobod tumanidagi barcha umumta’lim maktablarida Birinchi qo‘ng‘iroq marosimlari bo‘lib o‘tdi. Shu bilan maktablar yangi bilimlar, orzular va marralar sari o‘z eshiklarini ochdi.

Tadbirda maktab rahbarlari, Xalq deputatlari tuman Kengashi deputatlari, mahalliy hokimlik va jamoatchilik vakillari ota-onalar ishtirok etib, yoshlarni yangi o‘quv yili bilan tabrikladilar.

Joriy yilda maktab ostonasini ilk bor hatlab o‘tgan birinchi sinf o‘quvchilariga o‘quv vositalari maktab sumkasi va davlat rahbari nomidan kitoblar to‘plami sovg‘a qilindi.

Dastlabki darslar “Mustaqillik darsi” mavzusida o‘tkazilib, o‘quvchilarga Vatanga muhabbat, mustaqillik qadri va davlatchilik g‘oyalari haqida tushunchalar berildi. Faol o‘quvchilar esa davlat madhiyasini kuylash va bayroqni baland ko‘tarish marosimida qatnashdilar.