Bugun, 2-sentabrdan Shirin shahridagi barcha umumta’lim maktablarida 2025–2026-o‘quv yili ilk qo‘ng‘iroq sadolari yangradi.

Xususan, “Farhod” mahallasida joylashgan 2-sonli maktabda “Vatan uchun, millat uchun, xalq uchun!” shiori ostida o‘tkazilgan tantanali tadbirda Kengash raisi Niyoz Xazratkulov ishtirok etdi. U tadbir qatnashchilarini mamlakatimiz Mustaqilligining 34 yilligi hamda “Bilimlar kuni” bilan samimiy muborakbod etdi.

Tadbir davomida hokim maktabdagi “Jasorat” sinfi o‘quvchilari bilan ochiq darsda qatnashib, ular uchun yaratilgan sharoitlar bilan ham tanishdi.

Ma’lumot uchun: joriy o‘quv yilida Shirin shahridagi 4 ta umumta’lim maktabiga jami 368 nafar kichkintoylar ilk qadam qo‘ydi. Ularning har biriga 12 turdagi Prezident sovg‘alari tantanali ravishda topshirildi.

Barcha o‘quvchilarimizga yangi o‘quv yilida yuksak zafarlar va yorqin muvaffaqiyatlar tilaymiz!