Yangiliklar
18 май 2026
#Deputat #deputatmáhallede Deputat máhallede.
Xalıq deputatları Shomanay rayonlıq Keńesine 15-Doslıq bayraǵı saylaw okruginen deputat – ÓzXDP sı aǵzası A.Ubaydullaeva Ketenler awıl puqaralar jıyını turǵını Xudaybergenovlar shańaraǵında bolıp, jańadan qurılǵan ıssıqxanada erte ónim alıw hám bazar sawdasına shıǵarıp shańaraǵınıń dáramatın asırıw jumısları menen tanıstı.
Bul óz gezeginde úy qaptalı tamarqa jerlerinen ónimli paydalanıw, azıq-awqat ónimleri menen támiyinlewge óz tásirin tiygizedi.
Usınday shańaraqlardıń alıp barıp atırǵan jumısları awıl turǵınları arasında úgit-násiyat etilmekte.#Deputat #deputatmáhallede Deputat máhallede.
Xalıq deputatları Shomanay rayonlıq Keńesine 18-Baǵlı awıl saylaw okruginen deputat – Ekologiya partiyası aǵzası L.Dostaeva Diyxanabad awıl puqaralar jıyınınnda bolıp, máhalle jetiligi menen birgelikte aymaq turǵınlarına tamarqa jerlerinen únemli paydalanıw arqalı shańaraǵına qosımsha dáramat kiritiw máseleleri boyınsha úgit násiyat jumısların alıp barmaqta.#deputat #deputatsoraw Deputat sorawı nátiyje bermekte.
Xalıq deputatları Shomanay rayonlıq Keńesine 5-Birleshik saylaw okruginen deputat – ÓzLiDeP sı aǵzası R.Jumanazarov tárepinen Tazabazar MPJ aymaǵındaǵı Ózbekstan kóshesi hám Musaev kóshesi kesilispesinde kóp jıldan berli quwrap qalǵan, jansız tereklerdi qalanıń arxitekturalıq kórinisine unamsız tásir etip hám de piyadalar jolında háreketleniwshi puqaralarǵa qolaysızlıqlar tuwdırıp atırǵanlıǵı haqqında deputat sorawı jiberilip, bul soraw boyınsha Shomanay rayonı Abadanlastırıw basqarması jumıs alıp barmaqta.#detutatiskerligi #qararlarorinlaniwi Qarardıń orınlanıwı ámelde.
Xalıq deputatları Shomanay rayonlıq Keńesi sekretariatı baslıǵı A.Qutlımuratov, rayonlıq Jollardan paydalanıw mámleketlik mákemesi tárepinen ámelge asırılıp atırǵan, Ózbekstan Respublikası Prezidentiniń 2026-jıl 21-yanvar kúngi «Qaraqalpaqstan Respublikasın 2026-jılǵa social-ekonomikalıq rawajlandırıw hám kelesi jıllarǵa mólsherlengen baǵdarlamalardı tastıyıqlaw haqqında»ǵı 70-sanlı qararı tiykarında Xalıq deputatları Shomanay rayonlıq Keńesiniń sessiya qararı menen tastıyıqlanǵan baǵdarlama boyınsha Shomanay rayonında sociallıq infrastrukturası hám arxitekturalıq kelbetin jaqsılaw, sonday-aq, xalıqtıń jasawı hám isbilermenlik ushın qolaylı infrastruktura jaratıw baǵdarında rayon orayında ulıwma paydalanıwdaǵı "D 235 (4P177)" avtomobil jolınıń 43,4 - 67 kilometr bólegin rekonstrukciyalaw jumıslarınıń barısın úyrendi.
Bul jumıslardıń ámelge asırılıwı menen Qarabaylı – Shomanay avtomobil jolınıń házirgi zaman texnologiyası tiykarında ońlaw nátiyjesinde transportlardıń jolda háreketleniwi hám de jol háreketi qáwipsizligin saqlaw, qaǵıydabuzarlıqlardıń aldın alıwǵa hızmet etedi.Xalıq deputatları Shomanay rayonlıq Keńesinde ótken hápte jumısları analızlendi hám baslanıp atırǵan háptedegi wazıypalar belgilendi.
Xalıq deputatları Shomanay rayonlıq Keńes sekretariatı tárepinen ótken hápede ámelge asırılǵan jumıslar, rayon kóleminde alıp barılǵan is-ilajlar, social-ekonomikalıq rawajlanıw baǵdarındaǵı jumıslar hám xalq penen islesiw nátiyjeleri boyınsha úyrenildi hám de usı háptede ámelge asırılatuǵın ilajlar belgilep alındı.#háptelik #isreje Xalıq deputatları Shomanay rayonlıq Keńesi tárepinen 2026-jıl 18-22-may kúnleri aralıǵında aymaqlarda tómendegi is-ilájlar rejelestirilgen:
18-may – Máhálle ishki kóshe jollarınıń jaǵdayı, kóshelerdi túngi jaqtılandırıw máselelerin úyreniw.
Juwapker: Sekretariat bas qánigesi R.Galiakberov.
19-may – Aymaqtaǵı jınayatshılıqqa qarsı gúresiw jaǵdayı, ásirese qızıl hám sarı aymaqlarda jınayatshılıqtı saplastırıw boyınsha alıp barılıp atırǵan jumıslar barısın úyreniw.
Juwapker: Sekretariat bas qánigesi B.Muxammedyarov.
20-may – Rayon aymaǵında sociallıq-ekonomikalıq rawajlandırıw boyınsha belgilengen ilajlardı mánzilli úyreniw.
Juwapker: Sekretariat bas qánigesi R.Galiakberov.
21-may – Mayıplıǵı bar shaxslarǵa mámleket tárepinen berilgen jeńilliklerdiń durıs qollanılıw jaǵdayın úyreniw.
Juwapker: Sekretariat bas qánigesi B.Muxammedyarov.
22-may – Xalıqqa óz waqtında sapalı medicinalıq járdem kórsetiliwi jaǵdayın úyreniw.
Juwapker: R.Galiakberov16 май 2026
#DAYJEST
Xalıq deputatları Shomanay rayonlıq Keӊesi háptelik DAYJESTDeputat máhallede.
Xalıq deputatları Shomanay rayonlıq Keńesine 3-Begjap saylaw okruginen deputat – ÓzLiDeP sı aǵzası D.Ibadullaeva hám de ÓzLiDeP sı rayonlıq Keńes baslıǵı A.Suleymenova menen birgelikte Begjap awıl puqaralar jıyınınnda bolıp, aymaq turǵınlarınlarınıń isbilermenlik penen shuǵıllanıp, óz isin baslap atırǵan sociallıq resstrde esapta turıwshı E.Tilewmuratovanıń ámelge asırıp atırǵan jumısları menen tanıstı.
Bul puqara Ózbekstan Respublikası Ministrler Kabinetiniń 158-sanlı qararı tiykarında «Ustaz-shákirt» usılında jigirma million sum subsidiya alıp, óz jumısın baslaǵan.
Búgingi kúnde tiginshilik kásibi menen shuǵıllanıp, bes hayal-qızdıń bántligin támiyinlewge erisken.15 май 2026
#Deputat #deputatmáhallede Deputat máhallede.
Xalıq deputatları Shomanay rayonlıq Keńesine 8-Aral saylaw okruginen deputat – ÓzXDP sı aǵzası F.Murzamuratov tárepinen Monshaqlı mákan puqaralar jıyınında bolıp, máhallede sociallıq-ekonomikalıq jumıslar baǵdarında ámelge asırılıwı tiyis bolǵan wazıypalardıń orınlanıwı menen tanıstı.
Atap aytqanda, monshaqlı máhallesiniń infrastrukturasın jaqsılaw, abadanlastırıw hám kóklemzarlastırıw, xalıqtıń múrájatlar menen islesiw hám de aymaqtaǵı mashqalalardı úyreniw, xojalıqlardıń tamarqa jer maydanlarınan únemli paydalanıw arqalı dáramatların asırıw hám de isbilermenlik penen shuǵıllanıwshılar ushın qolaylı shárt-sharayatlar jaratıw máselelerin dodaladı.#detutatiskerligi #qararlarorinlaniwi Jańa jollar qurılmaqta.
Xalıq deputatları Shomanay rayonlıq Keńesi baslıǵı - 9-Mádeniyat saylaw okruginen deputat Q.Seytjanov tárepinen Aq jap awıl puqaralar jıyını Aqqashı elatlı punktindegi Tań juldızı hám Íǵbal kóshelerinde Ózbekstan Respublikası Ministrler Kabinetiniń 665-sanlı qararı tiykarında Xalıq deputatları Shomanay rayonlıq Keńesi sessiyasında tastıyıqlanǵan baǵdarlamaǵa muwapıq ishki jollardı ońlaw, qum shaǵal aralaspasın jatqızıw (ShPS) jumısları kózden ótkerildi.
Bul elatlı punkt jańa joybarlar tiykarında jańadan qalasha bolıp qurılıp, jańadan kósheler tartıldı hám sol aymaqta jasawshı xalıq ushın qalashanıń infrastrukturasın jaqsılaw qolaylı sharayatlar jaratıwǵa múmkinshilik beredi.