Қўрғонтепа туманида ёшлар тарбиясига қаратилган тадбир бўлиб ўтди!

Халқ депутатлари Қўрғонтепа туман Кенгаши депутати О.Мадрахимова, профилактика инспектори, Миллий гвардия капитани Сарварбек Козоковлар билан ҳамкорликда З.М.Бобур маҳалласидаги 54-сонли мактабда муҳим учрашув ташкил этилди.

Учрашувда "Ёшлар ўртасида жиноятчилик ва ҳуқуқбузарликларни олдини олишда таълим муассасаси педагог ходимларининг роли" ҳамда "Миллий либослар - фахримиз" каби долзарб мавзуларда суҳбатлар ўтказилди.

Педагоглар билан бўлган мулоқотда ёшларнинг бўш вақтини мазмунли ташкил этиш, уларни касбга йўналтириш, кийиниш маданияти ва муомала одоби каби масалалар атрофлича муҳокама қилинди.

Умид қиламизки, бундай тадбирлар ёш авлоднинг баркамол бўлиб етишишига хизмат қилади!

@Qorgontepa_Kengashi