Xalq deputatlari Konimex tuman Kengashi deputati B.Alekeev tumandagi eng chekka hududlardan birida joylashgan 23-umumiy oʻrta ta'lim maktabi faoliyati bilan tanishdi.

Mazkur maktab 160 oʻquvchiga moʻljallangan boʻlib, hozirda 78 nafar oʻquvchi ta'lim olmoqda. Ularning bilim olishi uchun 20 nafar fidoyi oʻqituvchi mehnat qilmoqda. Uchrashuv davomida deputat maktabning moddiy-texnik bazasi, dars jarayonlari va ta’lim sifati bilan yaqindan tanishdi. 

Maktab hududida "Yashil makon" umummilliy loyihasi doirasida 300 tup manzarali va mevali daraxt ko‘chatlari ekilgan bo‘lib, bu tashabbus ekologik muhitni yaxshilash va oʻquvchilarda tabiatga mehr uyg‘otish maqsadida amalga oshirilgan. Deputat mazkur loyihaning ahamiyatini alohida ta'kidlab, yosh avlodni ekologik tarbiyalash va atrof-muhitni muhofaza qilishga oid ishlarni kuchaytirish zarurligini qayd etdi.