Prezident qarori ijrosi – mahallalarda bunyodkorlik va obodonlashtirish ishlari deputatlik nazoratida
O‘zbekiston Respublikasi Prezidentining PQ–49-son qarori ijrosini ta’minlash doirasida Xalq deputatlari Xorazm viloyati Kengashi raisi O. Rajabov, Xalq deputatlari Qo‘shko‘pir tumani Kengashi raisi M. Tangriberganov hamda Oshoq qal’a fuqarolar yig‘ini raisi Shoxnazar Buratovich Nazarov ishtirokida tumandagi og‘ir toifaga kiritilgan Oshoq qal’a mahallasida amalga oshirilayotgan bunyodkorlik va obodonlashtirish ishlari joyiga chiqib o‘rganildi.
O‘rganish davomida mahallada amalga oshirilayotgan infratuzilmani yaxshilash, hududni obodonlashtirish, aholining yashash sharoitlarini yanada yaxshilashga qaratilgan ishlar holati ko‘zdan kechirildi. Mas’ul mutasaddilarga Prezidentimiz qarorida belgilangan vazifalarning sifatli va o‘z vaqtida bajarilishini ta’minlash, mavjud kamchiliklarni tezkor bartaraf etish hamda mahallani kompleks rivojlantirish bo‘yicha aniq topshiriq va tavsiyalar berildi.