🔹Fuqaro Abdurazzaqov Adhamjon murojaatida hududning ayrim joylarida elektr tarmoqlarini tortish ishlari to‘liq bajarilmagani, MFY idorasi QVP binosida joylashgani, aholi soni 4900 nafarga yetganligi sababli idora uchun alohida bino zarurligi, Katta Qo‘shtepa qishlog‘i markazida tuman sport maktabi tasarrufidagi sport maydoni qurilishi o‘ttiz yildan buyon bitmyotganligi xususida fikrlarini bildirdi. Mehnat faxriysi Madraximov Sharifjon ota hududdagi ichki yo‘llarning bir kilometr qismiga asfalt yotqizilmagani, Qo‘qon-Farg‘ona yo‘liga tutash Boboshbek qishlog‘iga chiqadigan yo‘l yaroqsiz holatda ekani, “Toza hudud” tashkiloti chiqindilarni olib chiqib ketish xizmatini ko‘rsatmay turib aholiga qarzdorlik hisoblanayotgani yuzasidan murojaat qilgan. Jumaboyev Halimjon murojaatida: bolalar bog‘chasi va maktabga boriladiga markaziy yo‘lda xavfsizlik qoidalarini ta’minlash uchun avtotransport vositlari tezligini cheklaydigan kameralar o‘rnatish zarurligi aytiladi. 

🔹Deputat aholi vakillari murojaatlari bo‘yicha o‘rganishlar olib bormoqda.