Шу доирада туман Кенгаши депутати Фахриддин Наврузов томонидан Махтумқули ва Оқ қўл маҳалла фуқаролар йиғинлари сайловчилари билан учрашув ташкил этилди. Фуқаролар билан юзма-юз мулоқотда уларни ўйлантираётган долзарб масалалар, таклиф ва муаммолар ўрганилиб, аниқ чора-тадбирлар белгиланди.

Шундан сўнг, маҳалла ҳудудида жойлашган 14-умумий ўрта таълим мактаби ва 56-сон қишлоқ врачлик пункитида ўрганишлар олиб борилди. Мактабда "Долзарб тўқсон кун" дастури асосида таълим-тарбия жараёни, педагоглар ва болалар учун яратилган шарт-шароитлар таҳлил қилинди. Қишлоқ врачлик пункитида жорий таъмирлаш ишлари олиб борилаятганлиги сабабли доктор ва хамширалар иш жараёнини ташкил қилиш мақсадида ажратилган мактаб биносида санитария ва жиҳозлаш бўйича таклифлар шакллантирилди.

Ушбу тадбирлар доирасида “Тиббиётда 90 кунлик ўзгаришлар” ва “Тоза қўллар” дастурлари доирасида белгиланган вазифаларнинг бажарилиши бўйича давра суҳбати ҳам ташкил этилди. Унда хотин-қизлар ва маҳалла фаоллари иштирок этди. 

Шунингдек, депутат Фахриддин Наврузов Махтумқули маҳалласи Пиллакор кўчасига ичимлик суви етиб келмаётганлиги аниқланиб депутатлик сўрови чиқарилди.