YUKSAK E’TIROF!

O‘zbekiston Xalq demokratik partiyasi Navoiy viloyat kengashi tizimida ko‘p yillar samarali mehnat qilgan, bugungi kungacha Qiziltepa tuman kengashi raisi lavozimida faoliyat ko‘rsatib kelgan Temirov Fazliddin Ro‘ziyevichning bugungi kunda boshqa ishga o‘tganligi munosabati bilan, partiya faollari, mahalliy kengash deputatlari nomidan minnatdorchilik bildiramiz. 

F.Temirov o‘z faoliyatini yoshlar bilan ishlash tizimidan boshlab, keyingi 20 yil davomida O‘zbekiston XDP Qiziltepa tumani kengashi raisi lavozimida ishlab keldi. Partiyaning dasturiy vazifalarini hayotga tadbiq etishda, deputatlar faoliyatini muvofiqlashtirib, ular bilan tizimli ravishda ishlarni tashkil etishda, partiya  g‘oyalarini targ‘ib etishda F.Temirovning alohida o‘rni va munosib hissasi bor. 

Fazliddin Temirovning keyingi faoliyatiga ulkan rivoj tilagan holda, u kishiga mustahkam sog‘lik, oilasiga tinchlik xotirjamlik tilaymiz. Yurt ravnaqi yo‘lidagi samarali mehnatlariga faqat omad yor bo‘lishini so‘rab qolamiz.