Búgin Qaraózek rayonı “Qutlı mákan” mákan puqaralar jıyını aymaǵındaǵı 33-sanlı mekteptiń májilisler zalında Qaraqalpaqstan Respublikası Joqarǵı Keńesi, Ruwxıylıq hám aǵartıwshılıq Keńesiniń 2025-jıl 17-mart kúngi “Elimizde ámelge asırılıp atırǵan reformalardıń mazmun-mánisi hám áhmiyetin keń jámáátshilikke jetkeriwde ruwxıy-aǵartıwshılıq ilajlardıń tásirsheńligin arttırıw ilajları haqqında”ǵı 37-sanlı bayanlamasına tiykarlanıp rayonlıq isshi topar aǵzaları qatnasında úgit-násiyat ilajı shólkemlestirildi. 

🔹Ilajda aymaqtan saylanǵan deputat Q.Jaqsımuratov tárepinen búgingi kúnde jaslardı ulıwma insanıylıq qádiriyatlarǵa húrmet ruwxında tárbiyalaw arqalı milliy mánawiyatımızdı rawajlandırıw, elimizde “Insan qádiri ushın!” principi tiykarında ámelge asırılıp atırǵan reformalar, jańadan qabıl etilgen nızam hújjetleriniń mazmun-mánisi, jaslar tárbiyasına jánede itibarlı bolıwımız kerekligi boyınsha keń túrde túsinikler berildi.