Xalq deputatlari Payariq tumani Kengashi Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nurmanova tomonidan 28-oilaviy poliklinikada O‘zbekiston Respublikasi Vazirlar Mahkamasining 2025-yil 11-noyabrdagi 718-son qarori yuzasidan o‘rganish va tushuntirish ishlari olib borildi.

Tadbir davomida mazkur qaror bilan tasdiqlangan “O‘zbekiston Respublikasi Sog‘liqni saqlash vazirligi tizimidagi tibbiyot muassasalarida pulli xizmat ko‘rsatish tartibi to‘g‘risidagi nizom”ning mazmun-mohiyati, tibbiyot muassasalarida pulli xizmatlarni ko‘rsatish tartibi hamda ushbu xizmatlardan foydalanishda fuqarolarning huquq va majburiyatlari haqida tushuntirishlar berildi.