Xalq deputatlari viloyat Kengashi deputatlari K.Roʻziyev va B.Ochilovlar tomonidan 103 yoshni qarshilagan nuroniy A.Muhsinov xonadonida boʻlib, uning holidan xabar olindi.

Uchrashuv davomida nuroniy A.Muhsinov Ikkinchi jahon urushida ishtirok etgan, frontda jasorat koʻrsatgan fidoyi insonlardan biri hisoblanadi. 

Urushdan soʻng u Buxoro davlat pedagogika institutida tahsil olib, muvaffaqiyatli tamomlagan.

Mehnat faoliyatini u dastlab maktabda tarix fanidan dars berishdan boshlagan boʻlib, yosh avlodga bilim va tarbiya berishga oʻz hissasini qoʻshgan. 

Dasturxon atrofida kechgan samimiy suhbat chog‘ida deputatlar nuroniyning jasorati, hayotiy tajribasi va yoshlar uchun o‘rnak bo‘larli fazilatlarini alohida qayd etishdi. Unga esdalik sovg‘alari topshirilib, chuqur hurmat-ehtirom bildirishdi.