“Tomorqa madaniyati — oila daromadining asosi” 

Xalq deputatlari Qo‘shko‘pir tuman Kengashi deputati D. Sattarova bugungi kunda
tumandagi Kenagas va Qoramon mahallalarida tomorqachilik aholi bandligini
ta’minlash, xususan, xotin-qizlarning iqtisodiy faolligini oshirish hamda
oilalar daromadini ko‘paytirishda olib borilayotgan ishlar bilan tanishdi. 

Shu nuqtai nazardan, hududlarda O‘zbekiston Respublikasining 2021-yil 1-apreldagi
O‘RQ-681-sonli “Tomorqa xo‘jaligi to‘g‘risida”gi Qonuni ijrosini samarali
tashkil etish va uning amaliy natijadorligini oshirish masalalariga alohida
e’tibor qaratilmoqda. Mazkur qonunning joylardagi ijrosi deputat tomonidan
o‘rganilib, tomorqa yerlaridan oqilona va unumli foydalanish orqali aholi
farovonligini yuksaltirish, kambag‘allikni qisqartirish hamda hududiy iqtisodiy
rivojlanishni jadallashtirish bo‘yicha tegishli chora-tadbirlar belgilab
olindi.