Xalq deputatlari Xorazm viloyati Kengashi deputati G‘. Ismoilov tomonidan aholiga o‘z vaqtida va sifatli tibbiy yordam ko‘rsatilishi hamda tibbiy muassasaning kuz-qish mavsumiga tayyorgarlik holati o‘rganildi.

O‘rganish davomida 38-son oilaviy poliklinikada isitish tizimining ishlash holati ko‘zdan kechirildi. Muassasa mudirasi Sevinchoy Otajonova tomonidan taqdim etilgan ma’lumotlarga ko‘ra, isitish tizimida foydalaniladigan qozon nosoz holatda ekani aniqlandi.

📌 Aniqlangan muammo yuzasidan isitish qozonini ta’mirlash yoki zarur hollarda yangisiga almashtirish, shuningdek, isitish tizimining barqaror ishlashini ta’minlash bo‘yicha tegishli choralar ko‘rish zarurligi qayd etildi.

Kuz-qish mavsumida tibbiy muassasada maqbul haroratni ta’minlash, bemorlar va tibbiyot xodimlari uchun qulay sharoit yaratish muhim ahamiyatga ega.