Xalq deputatlari Toyloq tumani Kengashiga 6-Ravot saylov okrugidan saylangan deputat, Ijtimoiy soha, yoshlar siyosati, madaniyat va sport masalalari bo‘yicha doimiy komissiya a'zosi o‘z saylov okrugidagi "Nayman" mahallasida joylashgan 20-sonli oilaviy poliklinikada bo‘lib, aholiga ko‘rsatilayotgan birlamchi tibbiy xizmatlar holati o'rganildi.

🔹O‘rganish davomida muassasada fuqarolarga yaratilgan sharoitlar, tibbiy ko‘rik jarayonlari, patronaj xizmatining ishlash tartibi hamda dorixona shoxobchalarida dori-darmonlar zaxirasi ko‘zdan kechirildi.

🔹Shuningdek, poliklinikaga murojaat qilib kelgan bemorlar va mahalliy aholi vakillari bilan muloqot qilinib, ularning tibbiy xizmat sifati bo‘yicha fikr va takliflari tinglandi.

🔹Mahalla aholisining sog‘lig‘ini muhofaza qilish, kasalliklarning oldini olish va tibbiy madaniyatni oshirishda birlamchi bo‘g‘in muhim o‘rin tutadi. Aniqlangan kamchiliklarni bartaraf etish hamda aholiga ko‘rsatilayotgan tibbiy xizmatlar ko‘lamini yanada yaxshilash yuzasidan mas'ullarga tegishli tavsiyalar berildi.