Xalq deputatlari Chilonzor tumani Kengashi 5-Charx Kamolon saylov okrugi deputati Maxmudova Donoxon Artikovna tomonidan saylov okrugi hududida joylashgan 128-sonli umumiy o‘rta ta’lim maktabining sport zallari va sport jihozlarining holati o‘rganildi.

O‘rganish jarayonida sport zallarining mavjud holati, ularning o‘quvchilar uchun foydalanish imkoniyatlari, zarur sport anjomlari bilan ta’minlanganlik darajasi hamda mavjud jihozlarning texnik va foydalanish holatiga alohida e’tibor qaratildi.

Shuningdek, sport zallarida o‘quvchilarning jismoniy tarbiya mashg‘ulotlarini sifatli va xavfsiz tashkil etish uchun yaratilgan shart-sharoitlar, mavjud sport inventarlarining yetarliligi va ulardan samarali foydalanish holati ko‘rib chiqildi.

O‘rganish yakunlari bo‘yicha sport zallarining moddiy-texnik bazasini yanada mustahkamlash hamda o‘quvchilar uchun zamonaviy va qulay sport sharoitlarini yaratish yuzasidan tegishli takliflar bildirildi.

Mazkur yo‘nalishdagi o‘rganish ishlari deputatlik nazorati doirasida davom ettiriladi.