Бугун Халқ депутатлари Наманган шаҳар Кенгашининг 5-Шаршара сайлов округидан сайланган депутат Мамажанов Одилжон Нумонович сайловчилар билан учрашув ўтказди.

Учрашув давомида депутат томонидан сайловчиларни қийнаётган ижтимоий-иқтисодий масалалар, маҳалла инфратузилмасини яхшилаш, йўл-транспорт, ободонлаштириш, аҳоли бандлиги ҳамда ёшлар ва хотин-қизлар масалалари юзасидан фикр-мулоҳазалар тингланди. Фуқаролар ўзларини қизиқтирган саволлар билан мурожаат қилиб, аниқ таклиф ва ташаббусларини билдирдилар.

Мамажанов Одилжон Нумонович ҳар бир мурожаат эътибор билан ўрганилиб, қонун доирасида ҳал этиш чоралари кўрилишини таъкидлади. Шунингдек, маҳаллий Кенгашда ҳудуд ривожи ва аҳоли фаровонлигига қаратилган масалалар доимий эътиборда эканини қайд этди.

Учрашув якунида сайловчилар депутат фаолиятига ижобий баҳо бериб, бундай очиқ мулоқотлар аҳоли ва депутат ўртасидаги ҳамкорликни мустаҳкамлашини таъкидладилар.