Hurmatli Sharof Rashidov tumani aholisi, aziz yurtdoshlar! Bugungi kunda yurtimizda aholi va qishloq xo‘jaligini ro‘yxatga olish bo‘yicha muhim davlat tadbiri amalga oshirilmoqda. Ushbu jarayon hududlarning real ijtimoiy-iqtisodiy holatini aniqlash hamda aholiga ko‘rsatiladigan xizmatlarni yanada takomillashtirishga xizmat qiladi.

Shu munosabat bilan sizlarni census.stat.uz axborot portali orqali ro‘yxatdan o‘tib, mazkur jarayonda faol ishtirok etishga chaqiraman.
Ro‘yxatga olish zamonaviy axborot texnologiyalari asosida, qulay va tezkor tarzda tashkil etilgan bo‘lib, uni bir nafar fuqaro butun oilasi nomidan to‘ldirishi mumkin. Shu bilan birga, taqdim etiladigan barcha ma’lumotlarning maxfiyligi va qonun bilan himoyalanishi kafolatlanadi.

Tuman Kengashi deputati sifatida ro‘yxatga olish natijalari asosida hududlar rivoji, aholi ehtiyojlarini aniqlash va qabul qilinadigan qarorlarning manzilliligini ta’minlash ustuvor vazifalarimizdan biri ekanini ta’kidlayman.

Fuqarolik burchingizni ado eting!
Aholini ro‘yxatga olish — kelajak taraqqiyoti uchun muhim qadam!

✍️ Hurmat bilan, Xalq deputatlari Sharof Rashidov tumani Kengashi deputati Juraboyeva Zulfizar Eshboyevna .