Nurafshon shahridagi 57-sonli umumta'lim maktabida "Qomusimiz – baxtimiz" shiori ostida O'zbekiston Respublikasi Konstitutsiyasi qabul qilingan kun munosabati bilan tantanali tadbir bo'lib o'tdi.

Ushbu tadbirga Xalq deputatlari Nurafshon shahar Kengashining 18-sonli "Taraqqiyot" saylov okrugidan saylangan deputati A.Tursunbayev hamda O'zbekiston Ekologiya partiyasi Markaziy Kengashi Ijroiya qo'mitasi Raisi E.Ernazarov faxriy mehmon sifatida ishtirok etdilar.

Mehmonlar o'z nutqlarida Bosh qomusimizning mamlakatimiz taraqqiyotidagi, fuqarolarning huquq va erkinliklarini kafolatlashdagi beqiyos o'rni haqida so'z yuritib, yoshlarni Konstitutsiyamizga sodiq bo'lishga va uni chuqur o'rganishga chaqirdilar.