O‘rganish davomida maktab hududidagi futbol maydonchasi, sport zali va o‘quvchilarning jismoniy tarbiya bilan shug‘ullanish sharoitlari o‘rganildi. Ayrim joylarda sport maydonlari va jihozlar ta’mirtalab ekanligi aniqlanib, ularni ta’mirlash tartibga olish yuzasidan mutasaddi rahbarlarga tegishli tavsiyalar berildi.
Shu bilan birga deputatlar maktabning isitish tizimlari, issiq suv ta’minoti, deraza va eshiklarning germetik holati, shuningdek, energiya tejamkorlik choralarining ko‘rilishi joyida ko‘zdan kechirildi. Deputatlar tomonidan o‘quvchilar darslarni iliq va xavfsiz muhitda o‘tishlari uchun zarur bo‘lgan barcha sharoitlarni yaratish masalasi alohida e’tiborga olindi.
Maktab oshxonalarining sanitariya-gigiyena holati, ovqat tayyorlash jihozlari, gaz va elektr ta’minoti, oziq-ovqat mahsulotlari saqlanadigan joylar ham tekshirildi. Deputatlar ta’lim muassasalarida sog‘lom ovqatlanish tizimini yanada takomillashtirish, bolalar uchun sifatli va to‘yimli taomlar tayyorlash bo‘yicha tavsiyalar berdilar.
Deputatlar, shuningdek, bo‘sh turgan yer maydonlarini yoshlar uchun ochiq sport maydonchalari yoki ko‘kalamzorlashtirilgan dam olish maskanlariga aylantirish tashabbusini ilgari surdilar.
Yakunda deputatlar tomonidan aniqlangan masalalar yuzasidan maktab ma’muriyati hamda ma’sul tashkilotlarga aniq ko‘rsatmalar berildi. Kuz-qish mavsumiga tayyorgarlik ishlarini sifatli yakunlash, maktab o‘quvchilari uchun xavfsiz va qulay ta’lim sharoitlarini yaratish doimiy deputatlik nazoratida bo‘lishi ta’kidlab o‘tildi.