Yig‘ilishda tuman Kengashining o‘n oltinchi sessiyasida ko‘tarilgan masalalar ijrosi, xususan, qishloq xo‘jaligida suvdan samarali foydalanish, mavjud meliorativ tarmoqlarning holati, ekologik muammolarni bartaraf etish va ekin maydonlarida suv ta’minotini yaxshilash masalalari muhokama qilindi.

💧 Komissiya a’zolari tomonidan aholi va fermer xo‘jaliklarining suv ta’minotida mavjud kamchiliklar, suv tarmoqlarini ta’mirlash, nasos stansiyalarining texnik holatini yaxshilash, suv tejovchi texnologiyalarni joriy etish zarurligi ta’kidlandi.

🌱 Shuningdek, ekologik muvozanatni saqlash, chiqindilarni to‘g‘ri utilizatsiya qilish va mahalliy darajada ko‘kalamzorlashtirish ishlarini kengaytirish masalalari yuzasidan tegishli tashkilotlar rahbarlariga aniq topshiriqlar berildi.

✅ Yig‘ilish yakunida komissiya tomonidan muhokama etilgan masalalar yuzasidan tegishli tavsiyalar ishlab chiqilib, ularni ijro uchun mas’ul tashkilotlarga yuborish belgilandi.