Bozataw rayonı "Bozataw" PPJ aymaǵındaǵı 8-sanlı mektepke shekemgi bilimlendiriw shólkeminde Ózbekstan Respublikası Prezidentiniń 2025-jıl 10-iyuldaǵı "Ózbekstan Respublikası mámleketlik ǵárezsizliginiń otız tórt jıllıq bayramına tayarlıq kóriw hám onı ótkeriw tuwrasında" ǵı PK-223 sanlı qararınıń mazmún mánisin túsindirip ótti. 

Kóp milletli xalqımız usı kúnlerde Watanımızdıń jámiyetlik-siyasiy, ruwxıy-aǵartıwshılıq turmısında pútkilley jańa dáwirdi baslap bergen umıtılmas tariyxıy waqıya – Ózbekstan Respublikası mámleketlik ǵárezsizliginiń otız tórt jıllıq sánesen kóterińki ruwx hám joqarı keypiyat penen belgilew ushın qızǵın tayarlıq kórmekte. 

Áyne 1991-jıl 31-avgust kúni xalqımız óz Watanı, táǵdiri hám keleshegine ózi iyelik etiw huqıqın qolǵa kirgizdi. Dúnya júzi kartasında Ózbekstan Respublikası – jańa suveren hám erkin mámleket payda boldı. 

Ótken tariyxıy jaqtan qısqa waqıt dawamında elimizdiń pidákerlik miyneti hám isenimi menen milliy ózligimiz, eski tariyxımız, bay mádeniyatımız, iygilikli qádiriyat hám dástúrlerimiz qayta tiklendi, mámleketlik hám jámiyetlik turmıstıń negizgi tiykarları ózgerip, mámleketimiz dúnya jámiyetshiliginde óziniń múnásip ornına
iye boldı. 

Ǵárezsiz rawajlanıw jolındaǵı keń kólemli reformalarımızdı izbe-iz dawam ettiriw, barlıq taraw hám tarmaqlardıń rawajlanıwın jańa basqıshqa alıp shıǵıw maqsetinde búgingi kúnde elimizde milleti, tili hám dinine qaramastan, hár bir puqara erkin hám abat jasaytuǵın jańa jámiyet hám mámleket qurılmaqta. 

Mámleketimizdiń siyasiy turmısındaǵı áhmiyetli waqıyalar, atap aytqanda, jańalanǵan Konstituciyamızdıń qabıl etiliwi elimiz Jańa Ózbekstandı, Úshinshi Renessans tiykarın jaratıwǵa qaratılǵan reformalardı hár tárepleme qollap-quwatlap kiyatırǵanın jáne bir márte ayqın tastıyıqladı. 

Ásirese, еkonomika tarmaqların jedel rawajlandırıw hám isbilermenlikke keńnen jol ashıw, jańa jumıs orınların jaratıw, kámbaǵallıqtı qısqartıw hám xalıqtıń turmıs abadanlıǵın arttırıw, medicinalıq xızmetler hám bilimlendiriwdiń sapasın jáhán dúnya standartlarına beyimlestiriw, qala hám awıllarımızdı abat etiw, elimizdiń xalıqaralıq kólemdegi abıray-mártebesin arttırıw jolında erisip atırǵan nátiyjelerimiz barǵan sayın ayqın kórinbekte, olardı hár bir watanlasımız óz turmısında, sezbekte.