Yangiliklar
08 апрел 2026
Xalq deputatlari Sayxunobod tuman Kengashi
🇺🇿 Huquqbuzarliklar profilaktikasi va korrupsiyaga qarshi kurash — doimiy e’tiborda!
Xalq deputatlari Sayxunobod tuman Kengashi huzuridagi doimiy komissiya yig‘ilishi davom etmoqda.
Kun tartibidagi muhim masalalardan biri — huquqbuzarliklarning oldini olish, ularning profilaktikasi hamda korrupsiyaga qarshi kurashish bo‘yicha tuman Ichki ishlar bo‘limi faoliyati yuzasidan hisobot tinglandi.
Mazkur masala yuzasidan Ichki ishlar bo‘limi boshlig‘ining birinchi o‘rinbosari T. Raxmonov tomonidan 2026-yilning birinchi choragi yakunlari bo‘yicha batafsil hisobot taqdim etildi.
Hisobot davomida:
🔹 hududda amalga oshirilgan profilaktik chora-tadbirlar
🔹 jinoyatchilikni kamaytirish borasidagi ishlar
🔹 korrupsiyaga qarshi kurashish yo‘nalishidagi natijalar
atroflicha yoritib berildi.
Shuningdek, deputatlar tomonidan berilgan savollarga mas’ul tomonidan to‘liq va asoslantirilgan javoblar qaytarildi.
📌 Sayxunobod tuman Kengashi kotibiyatiXalq deputatlari Sayxunobod tuman Kengashi
♻️ “Toza hudud” faoliyati yuzasidan hisobot muhokamada
📌 Xalq deputatlari Sayxunobod tuman Kengashi huzuridagi doimiy komissiyalarning qo‘shma majlisi o‘z ishini boshladi.
Majlis kun tartibidagi birinchi masala sifatida tuman “Toza hudud” bo‘limida amalga oshirilgan ishlar yuzasidan hisobot tinglanmoqda. Bo‘lim rahbari J. Qurbonov tomonidan doimiy komissiya a’zolariga batafsil ma’lumot taqdim etilmoqda.
💬 Muhokamalar jarayoni qizg‘in ruhda davom etmoqda. Deputatlar tomonidan yo‘llanayotgan savollar salmoqli va dolzarb bo‘lib, ularga “Toza hudud” bo‘limi rahbari tomonidan to‘liq hamda asosli javoblar berilmoqda.
✅ Hisobot tinglash davomida sohada amalga oshirilgan ishlar, mavjud muammolar hamda ularning yechimi yuzasidan takliflar ham ilgari surilmoqda.
🇺🇿 Xalq deputatlari Sayxunobod tuman Kengashi kotibiyatiXalq deputatlari Sayxunobod tuman Kengashi
🇺🇿 Xalq deputatlari Sayxunobod tuman Kengashi faoliyati: hududlarda tadbirkorlik qo‘llab-quvvatlanmoqda
Xalq deputatlari Sayxunobod tuman Kengashi deputati, kotibiyat mudiri O'. Burxonova hamda deputat Sh. Shamatova "Mustaqillik" mahallasida joylashgan xonadonlardan birida issiqxona faoliyati bilan yaqindan tanishdi.
Mazkur xonadonda gulchilik yo‘nalishida samarali tadbirkorlik yo‘lga qo‘yilgan bo‘lib, issiqxonada turli xil manzarali va dekorativ gullar parvarish qilinmoqda. Ushbu gullarning xilma-xilligi va sifat darajasi alohida e’tiborga loyiq.
O‘rganish jarayonida yetishtirilayotgan gullar nafaqat mahalliy ehtiyojlar uchun, balki viloyat hamda poytaxtdagi gul do‘konlariga ham yetkazib berilayotgani ma’lum bo‘ldi.
Bunday tashabbuslar hududlarda tadbirkorlikni rivojlantirish, aholi bandligini ta’minlash va daromad manbalarini kengaytirishda muhim ahamiyat kasb etadi.
🌿 Yangi g‘oyalar — yangi imkoniyatlar demakdir!
🇺🇿 Sayxunobod tuman Kengashi kotibiyatiXalq deputatlari Sayxunobod tuman Kengashi
🇺🇿 Xalq deputatlari Sayxunobod tuman Kengashi deputatlari dasturlar ijrosini nazorat qilishda davom etmoqda
Xalq deputatlari Sayxunobod tuman Kengashi deputatlari tomonidan hududlarda amalga oshirilayotgan davlat dasturlari ijrosi izchil nazorat qilib borilmoqda.
Jumladan, deputat Sh. Shamatova tomonidan "Mustaqillik" mahallasida PF-93-sonli Farmon ijrosi yuzasidan olib borilayotgan ishlar o‘rganildi. Mazkur hududda ilgari davlat bolalar bog‘chasi mavjud emas edi. Ushbu muammo bir necha bor sessiyalarda ko‘tarilib, dolzarb masala sifatida qayta-qayta ta’kidlangan edi.
Natijada, mazkur masala tegishli dasturga kiritilib, amaliy yechim topdi. Bugungi kunda yangi, zamonaviy davlat bolalar bog‘chasining qurilish ishlari 97% ga yakunlangan bo‘lib, yaqin kunlarda foydalanishga topshirilishi kutilmoqda.
Ushbu yangi ta’lim muassasasi mahalla aholisi, ayniqsa yosh oilalar uchun muhim qulaylik yaratadi.
🇺🇿 Sayxunobod tuman Kengashi kotibiyati07 апрел 2026
Xalq deputatlari Sayxunobod tuman
“Toza hudud” bo‘limida o‘rganish ishlari olib borildi
Xalq deputatlari Sayxunobod tuman Kengashi kotibiyati mudiri O‘. Burxonova hamda tuman Ekologik partiya deputatlik guruhi rahbari Sh. Turdibekov tomonidan Kengashning yillik rejasiga muvofiq tuman “Toza hudud” bo‘limida o‘rganish ishlari olib borildi.
O‘rganish jarayonida bo‘lim faoliyati, hududlarda olib borilayotgan obodonlashtirish va tozalash ishlari, mavjud holat va muammolar atroflicha
ko‘zdan kechirildi.
Aniqlangan kamchiliklar yuzasidan tegishli xulosalar qilinib, ularni bartaraf etish bo‘yicha mas’ullarga aniq tavsiya va ko‘rsatmalar berildi.
Bunday o‘rganishlar hududlarda sanitariya holatini yaxshilash, tozalikni ta’minlash hamda aholi uchun qulay va obod muhit yaratishda muhim ahamiyat kasb etadi.Халқ депутатлари Сайхунобод туман
Kuzatuv kameralari nazoratda
2026-yil 5-fevraldagi VII-18-19-9-126-K/26-sonli Kengash qarori ijrosi yuzasidan nazorat ishlari olib borildi.
Xalq deputatlari Sayxunobod tuman Kengashi deputati R. Normuhamedov tomonidan Shodlik mahallasida kuzatuv kameralarining ishlash holati o‘rganildi.
O‘rganish davomida mahalla hududida o‘rnatilgan jami 17 ta kuzatuv kamerasi faoliyat yuritayotgani aniqlandi. Ularning barchasi belgilangan tartibda ishlab turgani va doimiy nazoratda ekanligi ma’lum bo‘ldi.
🛡 Shuningdek, mazkur kameralar Ichki ishlar organlari tomonidan muntazam nazorat qilinib borilayotgani qayd etildi. Bu esa hududda xavfsizlikni ta’minlash va jinoyatchilikning oldini olishda muhim omil bo‘lib xizmat qilmoqda.
Bunday o‘rganishlar mahallalarda xavfsiz muhitni shakllantirish, aholi osoyishtaligini ta’minlash hamda profilaktika ishlarini yanada kuchaytirishga xizmat qiladi.Xalq deputatlari Sayxunobod tuman
📌 Kengash qarori ijrosi nazoratda
2026-yil 5-fevraldagi VII-18-19-9-126-K/26-sonli Kengash qarori ijrosi doimiy nazoratga olindi.
Xalq deputatlari Sayxunobod tuman Kengashi deputati
N. Daminova tomonidan Turon mahallasida mazkur qaror ijrosi yuzasidan o‘rganish ishlari olib borildi.
O‘rganish davomida mahalla hududida o‘rnatilgan kuzatuv kameralari holati ko‘zdan kechirildi. Ularning ishlash darajasi, texnik holati hamda hudud xavfsizligini ta’minlashdagi ahamiyati tahlil qilindi.
Aniqlangan holatlar yuzasidan tegishli taklif va tavsiyalar berilib, mavjud kamchiliklarni bartaraf etish bo‘yicha mas’ullarga topshiriqlar berildi.
Bunday nazorat tadbirlari hududlarda xavfsizlikni mustahkamlash, jinoyatchilikning oldini olish va aholi osoyishtaligini ta’minlashda muhim ahamiyat kasb etadi.
