Xalq deputatlari Qo‘qon shahar Kengashiga 7-“Qipchoqariq” saylov okrugidan saylangan deputat Sh.Nazarova tomonidan “Vaqf chorsu” mahalla fuqarolar yig‘inida navbatdagi saylovchilar bilan uchrashuv hamda o‘rganish ishlari olib borildi.

O‘tkazilgan uchrashuv va o‘rganish ishlariga Xalq deputatlari Qo‘qon shahar Kengashi kotibiyatining bosh mutaxassislari X.Abdullayev va A.Adxamov tomonidan amaliy ko‘mak ko‘rsatildi.

Mahalla raisi R.Matfozilov bilan mahallada mavjud muammolar, aholini qiynayotgan masalalar hamda ularni bartaraf etish bo‘yicha amalga oshirilishi lozim bo‘lgan chora-tadbirlar muhokama qilindi.

Shuningdek, hududda olib borilayotgan obodonlashtirish ishlari, mahallaning ijtimoiy-iqtisodiy rivojlanishi, mavjud infratuzilmani yaxshilash hamda aholi uchun munosib sharoitlar yaratish borasida amalga oshirilayotgan chora-tadbirlar atroflicha o‘rganildi.

Uchrashuv davomida fuqarolar bilan ishlash tizimi, “mahalla yettiligi” hamkorligida olib borilayotgan manzilli ishlar, ehtiyojmand oilalarni qo‘llab-quvvatlash, aholi bandligini ta’minlash hamda hududdagi mavjud muammolarni bosqichma-bosqich hal etish masalalari yuzasidan mas’ullar bilan fikr almashildi.

Mazkur masalalar deputat Sh.Nazarova nazoratiga olinib, kelgusida mas’ul tashkilotlar va mahalla faollari bilan hamkorlikda amalga oshiriladigan ishlar belgilab olindi.

Xalq deputatlari Qo‘qon shahar Kengashi