🔹 Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Liberal-demokratik partiyasidan 18-“Xo‘jakent” saylov okrugidan saylangan deputat E.Shokirov tomonidan  umumta’lim maktablarining yangi o‘quv yiliga tayyorgarlik holatini o‘rganish maqsadida tumandagi 3-sonli umumta’lim maktabida o‘rganish ishlari olib borildi.

🔹O‘rganish davomida maktabning yangi o‘quv yiliga tayyorgarlik holati, ta’lim jarayoni uchun yaratilgan shart-sharoitlar, sinf xonalarining holati, obodonlashtirish va ko‘kalamzorlashtirish ishlari, sanitariya-gigiena talablariga rioya etilishi hamda o‘quvchilar uchun xavfsiz va munosib ta’lim muhitini yaratish borasida amalga oshirilayotgan ishlar atroflicha ko‘zdan kechirildi.

🔹Shuningdek, ta’lim muassasasida mavjud muammo va kamchiliklarni aniqlash, ularni yangi o‘quv yili boshlanguniga qadar bartaraf etish, maktab infratuzilmasini yanada yaxshilash hamda o‘quvchilar uchun zarur shart-sharoitlarni ta’minlash masalalariga alohida e’tibor qaratildi.

🔹O‘rganish davomida yangi o‘quv yilini uyushqoqlik bilan boshlash, ta’lim sifati va samaradorligini oshirish, o‘quvchilar uchun munosib ta’lim olish sharoitlarini ta’minlash bo‘yicha amaliy chora-tadbirlarni izchil davom ettirish belgilandi.