Xalq deputatlari Qiziriq tumani Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda tuman Obodonlashtirish boshqarmasi tomonidan O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarori ijrosini ta’minlash borasida amalga oshirilayotgan ishlar muhokama qilindi.

Jumladan, tuman Obodonlashtirish boshqarmasi tasarrufidagi ichki yo‘llarni saqlash hamda joriy ta’mirlash ishlari bo‘yicha 2026-yil uchun dastlabki manzilli ro‘yxat ko‘rib chiqildi. Mazkur ro‘yxatni kelgusida tuman Kengashi sessiyasi muhokamasiga kiritish masalasi yuzasidan komissiya a’zolari tomonidan fikr va takliflar bildirildi.

Yig‘ilish yakunida kun tartibidagi masala yuzasidan tegishli qaror qabul qilinib, manzilli ro‘yxatni sessiyaga kiritish bo‘yicha tavsiyalar berildi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)