Xalq deputatlari Qiziriq tumani Kengashi deputati Ch.Normo‘minov tumandagi “Yangi hayot” mahallasida bo‘lib, Oʻzbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qarori doirasida hududdagi ijtimoiy soha obyektlari hamda infratuzilma holatini o‘rgandi.

Tashrif davomida deputat mahallada joylashgan 40-sonli QVP faoliyati bilan tanishib, aholiga tibbiy xizmat ko‘rsatish sifati, mavjud sharoitlar hamda tibbiyot xodimlari tomonidan olib borilayotgan ishlar haqida ma’lumotlar oldi. Shuningdek, tibbiyot muassasasida yaratilgan shart-sharoitlar, aholining murojaatlari bilan ishlash holati ham o‘rganildi.

Shundan so‘ng deputat mahalladagi 8-sonli maktabgacha ta’lim tashkilotiga tashrif buyurib, u yerda bolalar tarbiyasi va ta’limi uchun yaratilgan sharoitlar hamda muassasa faoliyati bilan yaqindan tanishdi. Muassasada bolalarning sog‘lom va har tomonlama rivojlanishi uchun yaratilgan imkoniyatlar ko‘zdan kechirildi.

Bundan tashqari, deputat mahalla hududida amalga oshirilayotgan infratuzilma va obodonlashtirish ishlari bilan ham tanishdi. Hududdagi yo‘llar, ijtimoiy obyektlar atrofini obodonlashtirish, aholi uchun yaratilayotgan qulayliklar yuzasidan mas’ullar bilan suhbat o‘tkazildi hamda amalga oshirilayotgan ishlar yuzasidan tegishli fikr va takliflar bildirildi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 7