Xalq deputatlari Gʻallaorol tuman Kengashining ish rejasiga muvofiq, tumandagi “Suv yetkazib berish xizmati” Davlat muassasasi faoliyati, sohaga oid qabul qilingan qarorlar ijrosi hamda tizimni korrupsiyadan holi, shaffof va samarali boshqaruv asosida rivojlantirish borasida olib borilayotgan ishlar nazorat-tahlil tartibida o‘rganilmoqda. O‘zbekiston Respublikasi Prezidentining PQ-5 sonli qarori ijrosini ta’minlash maqsadida tumanda qator amaliy chora-tadbirlar amalga oshirilmoqda. Suv tarmoqlarining texnik holati va modernizatsiya ishlari; moliyaviy mablag‘larning maqsadli sarflanishi; aholi murojaatlari bilan ishlash tizimi,suv yo‘qotishlarini kamaytirish va energiya samaradorligini oshirish masalalariga e’tibor qaratildi. O‘rganish orqali mavjud muammolar aniqlanib, ularni bartaraf etish yuzasidan aniq taklif va tavsiyalar ishlab chiqilishi rejalashtirilgan.