Xalq deputatlari Qo‘qon shahar Kengashi deputati Sh.Nazarova tomonidan o‘zi saylangan okrug hududida joylashgan “Qipchoqariq” mahalla fuqarolar yig‘inida istiqomat qiluvchi fuqaro murojaati o‘rganildi.

Uchrashuvda Guzar ko‘chasi 127-uyda yashovchi fuqaro R.Qoraboyev o‘z xonadoniga kadastr hujjatlari rasmiylashtirilmaganligi sababli bir qator muammolarga duch kelayotganligini bildirib, mazkur masalada amaliy yordam ko‘rsatishni so‘rab murojaat qildi.

Deputat tomonidan murojaat mazmuni atroflicha o‘rganilib, masalani qonunchilikda belgilangan tartibda hal etish yuzasidan tegishli mutasaddilar bilan hamkorlikda zarur choralar ko‘rish belgilandi.

Shuningdek, murojaatda ko‘tarilgan masalani ijobiy hal etish maqsadida tegishli tashkilotga deputatlik so‘rovi yuborish yuzasidan kelishib olindi.

Mazkur murojaat deputat nazoratiga olinib, uning ijrosi yuzasidan qo‘shimcha ma’lumotlar berib borilishi ma’lum qilindi.

Xalq deputatlari Qo‘qon shahar Kengashi