Xalq deputatlari Oqoltin tumani Kengashi deputatlari A.Uljayev va D.Egamqulovalar tomonidan A.Navoiy MFY yettiligi hamda saylovchilar bilan o‘tkazilgan uchrashuvlarda aholi tomonidan bildirilgan murojaatlar yuzasidan amaliy ishlar olib borildi.

Jumladan, uchrashuvlar davomida fuqarolar tomonidan mahalla hududidagi ayrim ko‘chalarda tungi yoritish tizimining mavjud emasligi bo‘yicha murojaatlar bildirilgan edi. Mazkur murojaatlar deputatlar tomonidan nazoratga olinib, tegishli mutasaddi tashkilotlar bilan hamkorlikda ijobiy hal etildi.

Natijada A.Navoiy MFY hududida tungi yoritish chiroqlari o‘rnatilmagan ko‘chalarga zamonaviy tungi yoritish chiroqlari o‘rnatilib, aholi uchun qulay va xavfsiz sharoit yaratildi.