“Besh tashabbus olimpiadasi” doirasida sport
musobaqalari o‘tkazildi 

Xalq deputatlari Qo‘shko‘pir tumani Kengashi deputati Jahongir
Rahimberganovich Ahmedov rahbarligida 2026-yil 2-iyun kuni Qo‘shko‘pir tumani
Bolalar va o‘smirlar sport maktabi hududida yoshlarning bo‘sh vaqtini mazmunli
tashkil etish, ularni ommaviy sportga keng jalb etish hamda sog‘lom turmush
tarzini targ‘ib qilish maqsadida “Besh tashabbus olimpiadasi” doirasida sport
musobaqalari tashkil etildi. 

Musobaqalar arqon tortish, tosh ko‘tarish va mas-resling sport turlari
bo‘yicha o‘tkazilib, unda tumanning faol va sportga qiziquvchi yoshlari
ishtirok etdi. Tadbir davomida yoshlar o‘rtasida jismoniy tarbiya va sportni
ommalashtirish, ularning iqtidorini ro‘yobga chiqarish hamda vatanparvarlik
ruhini mustahkamlashga alohida e’tibor qaratildi. 

Mazkur musobaqalar Prezidentimiz tomonidan ilgari surilgan besh muhim
tashabbusning yoshlar ma’naviyati va jismoniy salohiyatini yuksaltirishga
qaratilgan ustuvor vazifalarini hayotga tatbiq etishda muhim ahamiyat kasb
etmoqda.