Boyovut tumani tajribasi asosida ishlab chiqilgan “Yo‘l xarita” hamda uning doirasida amalga oshirilayotgan “Tumanda “Zarbdor” tajribasi asosida shakllantirilgan 2-bosqich “Drayver” loyihalariga zarur infratuzilmani yaratish ishlari” bo‘yicha belgilangan vazifalar ijrosini ta’minlash maqsadida Xalq deputatlari Boyovut tumani Kengashi kotibiyat mudiri, deputat X.Berdiyarova, tuman deputati A.Ibadullayev hamda kotibiyat bosh mutaxassislari tomonidan joyiga chiqqan holda o‘rganish ishlari olib borildi.

O‘rganishlar davomida “Yo‘l xarita”ning 49-bandida belgilangan “Boboyurt” va “Uchturgon” mahallalari hududidagi ijaraga berilgan 115 gektar yer maydonlarini oqava suv bilan ta’minlash” bo‘yicha amalga oshirilayotgan ishlar holati ko‘zdan kechirildi.

Xususan, “Uchturgon” mahallasida yoshlarga ijaraga ajratilgan yer maydonlarida yaratilayotgan infratuzilma sharoitlari o‘rganilib, bugungi kunga qadar 180 nafar yoshga ajratilgan yer maydonlaridagi 5 ta kontur oqava suv bilan ta’minlangani aniqlandi.

O‘rganish yakunida belgilangan vazifalar ijrosini jadallashtirish, yer maydonlaridan samarali foydalanish hamda yoshlar uchun yaratilayotgan imkoniyatlarni kengaytirish yuzasidan tegishli tavsiya va takliflar bildirildi.