#tavsiyalar_asosida

Mustaqillik mahallasida maishiy chiqindilarni yig‘ish va olib chiqish bilan bog‘liq holat navbatdagi o‘rganishlar markazida bo‘ldi. Sh. Isamutdinov, I. Ikromov va Z. Temirova hududni aylanib, mavjud vaziyatni bevosita joyida ko‘zdan kechirdilar.

O‘rganish davomida konteyner maydonlarining holati, chiqindilarni olib chiqishdagi uzluksizlik, shuningdek, ayrim nuqtalarda yuzaga kelayotgan muammolar tahlil qilindi. Mahalla aholisi bilan muloqotlar chog‘ida ham tozalikni saqlash va atrof-muhitga ehtiyotkorona munosabatda bo‘lish masalalari yuzasidan fikrlar tinglandi.

Hududdagi ozodalik faqat xizmat ko‘rsatuvchi tashkilotlar faoliyatiga emas, balki fuqarolarning kundalik madaniyatiga ham bevosita bog‘liq ekani qayd etildi. Shu bois chiqindilarni belgilangan joylarga tashlash, umumiy foydalanishdagi hududlarni asrash va sanitariya qoidalariga amal qilish har bir fuqaroning mas’uliyati ekani ta’kidlandi.

O‘rganish yakunida aniqlangan masalalar yuzasidan tegishli tavsiyalar ishlab chiqilib, mahallada tozalikni yanada mustahkamlash bo‘yicha amaliy choralar belgilab olindi. Toza muhit esa, avvalo, sog‘lom va farovon hayotning muhim sharti ekanligi yana bir bor o‘z tasdig‘ini topdi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash