Hurmatli hamkasblar!

Yaqinda davlatimiz rahbari mahalliy sanoatni rivojlantirish bo‘yicha o‘tkazilgan yig‘ilishda belgilangan ustuvor vazifalar xalqimiz farovonligini oshirish va milliy iqtisodiyotimizni yangi bosqichga olib chiqishda muhim qadam bo‘lib xizmat qiladi.

Mazkur yig‘ilishda mahalliy ishlab chiqarishni qo‘llab-quvvatlash, import o‘rnini bosuvchi mahsulotlarni ko‘paytirish, yangi ish o‘rinlarini yaratish, sanoat klasterlarini shakllantirish kabi masalalarga alohida eʼtibor qaratildi. Bunday ustuvor yo‘nalishlar, shubhasiz, hududlarda iqtisodiy faollikni oshirish va aholining turmush darajasini yaxshilashga xizmat qiladi.

Deputat sifatida biz, avvalo, joylarda ushbu vazifalarning samarali amalga oshirilishiga ko‘maklashishimiz, tadbirkorlik subyektlarining muammolarini o‘rganib, ularga huquqiy va tashkiliy yordam berishimiz lozim. Shuningdek, soha bo‘yicha qonunchilik bazasini takomillashtirish orqali hududiy rivojlanishga qaratilgan tashabbuslarni qo‘llab-quvvatlash bizning burchimizdir.

Biz mazkur yig‘ilishda belgilangan vazifalarni hayotga tatbiq etishda faol ishtirok etib, xalq va davlat o‘rtasidagi mustahkam bog‘lamchi bo‘lib qolishimiz zarur.

Xalq deputatlari Boyovut tumani Kengashi deputati Obloqul Isanov