Xalq deputatlari Sardoba tumani Kengashi deputati G.Saitboyev tomonidan Sardoba tumani Otayurt mahallasida istiqomat qiluvchi, alohida nazoratda turuvchi nizoli oila a’zosi Abdumuratova Dilnoza bilan profilaktik suhbat o‘tkazildi.
Suhbat davomida oiladagi ijtimoiy-ma’naviy muhit, oila a’zolari o‘rtasidagi o‘zaro munosabatlar, farzandlar tarbiyasi hamda yuzaga kelishi mumkin bo‘lgan turli nizolarning oldini olish masalalariga alohida e’tibor qaratildi.
Shuningdek, fuqaroga mavjud muammolarni qonuniy va tinch yo‘l bilan hal etish, oilada sog‘lom muhitni shakllantirish hamda jamiyatda faol fuqarolik pozitsiyasini namoyon etish yuzasidan zarur tavsiya va tushuntirishlar berildi.
Uchrashuv davomida fuqaroning murojaat va takliflari tinglanib, aniqlangan masalalar yuzasidan tegishli tashkilotlar bilan hamkorlikda amaliy yordam ko‘rsatish choralari belgilandi.
Bunday profilaktik tadbirlar oilalarda tinchlik va totuvlikni mustahkamlash, nizoli vaziyatlarning oldini olish hamda fuqarolarning huquqiy madaniyatini yuksaltirishga xizmat qiladi.