Миробод туман Кенгаши депутати Ш.Абдуллаевнинг ҳафталик иш режаси доирасида “Байналминал” МФЙ фаолияти ўрганилди

Аҳоли мурожаатлари асосида маҳалладаги қатор долзарб масалалар юзасидан маҳалла раиси Ф.Мавлонов билан биргаликда ўрганиш ишлари олиб борилди. Жумладан, маиший чиқиндиларни ўз вақтида олиб чиқиб кетилмаётгани, кесилган дарахт шохларини тозалаш, ички кўчалардаги асфальт ётқизилмаган чуқур жойлар, қурилиш ишлари натижасида йўллар таъмирталаб ҳолга келгани ҳамда дарахтларга шакл бериш масалалари кўриб чиқилди.

Ўрганиш давомида 24 та масала юзасидан таҳлил ўтказилиб, маҳалла биноси масаласи ва бошқа қатор муаммоларни ҳал этиш бўйича масъул ташкилотларга депутат номидан депутатлик сўрови юборишга келишиб олинди.