ТАЪЛИМДА ИЛҒОР ТАЖРИБА ЎРГАНИЛДИ

Халқ депутатлари Янгиқўрғон туман Кенгаши депутати Отабоев Фахриддин Жўрабоевич сайлов округи ҳудудидаги 6-сонли умумтаълим мактабида бўлиб, мактабда япон тажрибаси асосида ташкил этилган синф фаолияти билан танишди.

🎓 Ташриф давомида ушбу синфда ўқувчилар учун яратилган шарт-шароитлар, таълим жараёнини ташкил этиш усуллари ҳамда япон таълим тизими элементлари асосида олиб борилаётган дарс жараёнлари ўрганилди.

👥 Шунингдек, ўқитувчилар билан мулоқот ўтказилиб, илғор тажрибаларни кенгайтириш ва таълим сифати ҳамда ўқувчиларнинг билим ва кўникмаларини янада ошириш масалалари муҳокама қилинди.

📌 Депутат томонидан замонавий таълим усулларини жорий этиш ёшларнинг интеллектуал салоҳиятини юксалтириш, интизом ва масъулият ҳиссини шакллантиришда муҳим аҳамият касб этиши таъкидланди.