Xalq deputatlari Bekobod tumani Kengashi sessiyasi kun tartibiga kiritilgan ekologiya masalasi yuzasidan deputatlar A.Djabborov, B. Jo‘rayev, Ekopartiya tuman kengashi raisi D.Olimjonova hamda “Yoshlar maslahat” guruhi a’zosi M.Yuldashyevdan iborat ishchi guruh tomonidan o‘rganish ishlari olib borildi.

O‘rganishlar davomida maishiy chiqindilarni o‘z vaqtida olib chiqilmasligi, noqonuniy chiqindi tashlash holatlari, yashil hududlar kamayishi va ekologik madaniyatning yetarli emasligi kabi muammolar aniqlandi.

Mazkur muammolarni bartaraf etish maqsadida chiqindilarni saralash tizimini joriy etish, nazoratni kuchaytirish, daraxt ekish ishlarini kengaytirish hamda aholining ekologik madaniyatini oshirish bo‘yicha chora-tadbirlar ishlab chiqildi.

Mazkur takliflar sessiya muhokamasiga kiritiladi.