Xalq deputatlari Jondor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi H.Karaeva hamda doimiy komissiya a’zolari hamkorligida navbatdagi yig‘ilish o‘tkazildi.
➡️Yig‘ilishda Jondor tumanida sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, aholi orasida sog‘lom turmush tarzini va to‘g‘ri ovqatlanish madaniyatini shakllantirish, shuningdek, sog‘liqni saqlashning asosiy ko‘rsatkichlari bo‘yicha 2026-yilning birinchi yarim yilligida amalga oshirilgan ishlar yuzasidan tuman tibbiyot birlashmasi boshlig‘i Y.Olimovning hisoboti eshitildi.
➡️Hisobot davomida tumanda aholiga ko‘rsatilayotgan tibbiy xizmatlar sifati, profilaktik tadbirlarning samaradorligi, skrining va tibbiy ko‘riklar qamrovi, onalar va bolalar salomatligini mustahkamlash, shuningdek, sog‘lom turmush tarzini keng targ‘ib etish borasida amalga oshirilgan ishlar haqida batafsil ma’lumot berildi.
➡️Muhokamalar jarayonida doimiy komissiya a’zolari tomonidan sohada mavjud ayrim muammolar va ularni bartaraf etish yuzasidan takliflar bildirildi. Ayniqsa, birlamchi tibbiy xizmatlar sifatini yanada oshirish, kasalliklarning barvaqt oldini olish hamda aholining tibbiy madaniyatini yuksaltirish bo‘yicha tegishli tavsiyalar berildi.
➡️Yig‘ilish yakunida kun tartibidagi masala yuzasidan doimiy komissiyaning tegishli qarori qabul qilinib, belgilangan vazifalarning ijrosini ta’minlash bo‘yicha mas’ullarga tegishli topshiriqlar berildi.