Xalq deputatlari Paxtakor tumani Kengashi deputati B.Misratullayev navbatdagi sessiya oldidan “Buyuk ipak yo‘li” mahallasida O‘zbekiston Respublikasi Prezidentining 2025-yil 8-oktyabrdagi PQ–298-son qarori hamda Jizzax viloyati Kengashi qarorlari ijrosi doirasida amalga oshirilayotgan bunyodkorlik ishlari bilan tanishdi.

O‘rganish davomida mahallani tadbirkorlik faoliyati uchun namunali hududga aylantirish maqsadida Respublika budjetidan ajratilgan 5 milliard so‘m mablag‘ hisobidan amalga oshirilayotgan infratuzilma loyihalarining borishi ko‘zdan kechirildi.

Deputat tomonidan qurilish va obodonlashtirish ishlarining sifati, belgilangan muddatlarda yakunlanishi hamda ajratilgan mablag‘larning maqsadli sarflanishi yuzasidan mas'ullarga tegishli tavsiyalar berilib, loyiha ijrosi doimiy nazoratga olindi.