#Deputat_okrugida #deputat_faoliyati #kotibiyat_xodimi_faoliyati #162_ta_Qonun_ijrosi #mahalla_yettiligi_bilan_hamkorlik #24_ta_tavsiya

Aholini kambag‘allikdan chiqarish borasidagi ishlar o‘rganildi

Xalq deputatlari tuman Kengashiga 19-Zarbdor saylov okrugidan saylangan deputat, tuman Kengashi kotibiyati bosh mutaxassisi J. Donayev o‘z saylov okrugidagi “Oqjar” mahallasida hokim yordamchisining faoliyati bilan tanishdi.

O‘rganish davomida “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 4-yo‘nalishi — hokim yordamchilari tomonidan amalga oshirilayotgan ishlar samaradorligi, xususan, aholini kambag‘allikdan chiqarish borasida olib borilayotgan ishlar holati tahlil qilindi.

Shuningdek, O‘zbekiston Respublikasining 2020-yil 20-oktabrdagi O‘RQ-642-sonli “Aholi bandligi to‘g‘risida”gi Qonuni yuzasidan tayyorlangan savolnoma asosida ham o‘rganish ishlari olib borildi. Jarayonda aholi bandligini ta’minlash, fuqarolarni ish bilan ta’minlashga qaratilgan chora-tadbirlar hamda hokim yordamchisi tomonidan ushbu yo‘nalishda amalga oshirilayotgan ishlar yuzasidan ma’lumotlar olindi.

O‘rganish yakunlari bo‘yicha aniqlangan masalalar yuzasidan tegishli taklif va tavsiyalar ishlab chiqilishi belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram