Xalq deputatlari Taxiatosh tumani Kengashiga Oʻzbekiston Xalq demokratik partiyasidan saylangan deputat Utemuratov Jiyengali Jolimbetovich Kengash kotibiyati bosh mutaxassisi D.Xodjanov bilan birgalikda “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida” gi O‘zbekiston Respublikasi Qonuni (O‘RQ–937, 2024-yil 5-avgust) ijrosi yuzasidan nazorat tadbirini amalga oshirdi.

🏢 O‘rganish doirasida Taxiatosh tumani hokimligining Qurilish va uy-joy xo‘jaligi bo‘limi faoliyati bilan tanishilib, qonun talablarini amaliyotga tatbiq etish, murojaatlarni ko‘rib chiqish tartibi hamda hujjatlarni rasmiylashtirish jarayonlari yuzasidan mas’ullar bilan muhokama o‘tkazildi.

🤝 Suhbat davomida qonun ijrosini yanada samarali tashkil etish, fuqarolarning qonuniy manfaatlarini ta’minlash va mavjud masalalarni amaldagi qonunchilik asosida hal etish yuzasidan fikr-mulohazalar almashildi hamda tegishli tavsiyalar bildirildi.

📋 Deputatlik nazoratining asosiy maqsadi — qabul qilingan qonunlarning joylarda to‘liq va sifatli ijrosini ta’minlash hamda fuqarolarning huquq va qonuniy manfaatlarini himoya qilishdan iborat.