Xalq deputatlari Sardoba tumani Kengashi bosh mutaxassislari L.Toshquvvatov va S.Nomozov hamda tuman deputati B.Bekmurodov tomonidan Yangiqishloq mahalla fuqarolar yig‘inida fuqarolar ishtirokida olib borilayotgan hashar ishlarining borishi bilan yaqindan tanishildi.
Tashrif davomida mahalla hududini obodonlashtirish, ko‘cha va yo‘laklarni tartibga keltirish, ariq-zovurlarni tozalash, yashil hududlarni parvarishlash hamda sanitariya holatini yaxshilash bo‘yicha amalga oshirilayotgan ishlar ko‘zdan kechirildi.
Shuningdek, hashar ishlarida ishtirok etayotgan fuqarolar bilan suhbat o‘tkazilib, mahallani yana-da obod va ko‘rkam maskanga aylantirishda aholi faolligini oshirish, jamoatchilik ishtirokini kengaytirish hamda tozalik va ozodalikni doimiy ta’minlash yuzasidan fikr almashildi.
Tashrif yakunida hashar ishlarini tizimli ravishda davom ettirish, obodonlashtirish tadbirlarini yana-da kuchaytirish va har bir fuqaroning mahalla ravnaqiga daxldorlik hissini oshirish bo‘yicha tegishli tavsiyalar berildi.