#24tavsiya

Qonunosti hujjatlar ijrosi va mahalla tizimi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov tomonidan Navoiy shahridagi “Ma’rifat” mahallasida hokim yordamchisi hamda mahalla tizimida amalga oshirilayotgan ishlar o‘rganildi.

O‘rganish jarayonida mahallada aholi bandligini ta’minlash, tadbirkorlikni rivojlantirish, ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bilan ishlash bo‘yicha amalga oshirilayotgan chora-tadbirlar tahlil qilindi.

Shuningdek, mahallada faoliyat yuritayotgan “mahalla yettiligi”ning ish samaradorligi, O‘zbekiston Respublikasi Prezidentining PF–82, PF–163, PF–209 va PF–258-sonli Farmonlari, PQ–267-sonli qarori hamda Vazirlar Mahkamasining 35, 312 va 313-sonli qarorlari ijrosi holati yuzasidan atroflicha o‘rganish olib borildi.

O‘rganish davomida qonunchilik hujjatlari ijrosini ta’minlash, aholi muammolarini manzilli hal etish va mahalla instituti faoliyati samaradorligini yanada oshirish bo‘yicha tegishli tavsiya va takliflar berildi.

Xalq deputatlari mahalliy Kengashlari tomonidan joylarda qonunosti hujjatlari ijrosini nazorat qilish hamda aholi farovonligini ta’minlashga qaratilgan ishlar izchil davom ettirilmoqda.