Ózbekstan Respublikası Prezidentiniń 2024-jıl 24-dekabr kúngi "2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında"ǵı PQ-454-sanlı qararı tiykarında Qaraózek rayonı Mádeniyat awıl puqaralar jıyını aymaǵınan 3-sanlı mektepke shekemgi bilimlendiriw shólkemi imaratın jańadan qurıw belgilengen.

Xalıq deputatları Qaraózek rayonlıq Keńesi baslıǵı Gulistan Yusupova hám aymaqtaǵı 14-Berdaq saylaw okruginen deputat Sarsengul Sayımovalar (Adolat SDP) máhálle wákilleri menen birgelikte búgingi kúnde ámelge asırılǵan qurılıs jumısları juwmaǵı menen tanıstı.
Keńes baslıǵı hám deputat baqsha imaratın zamanagóy talaplarǵa say kórkem bezew hám átirapın abadanlastırıw, qáwipsizlik qaǵıydalarına ámel etiliwi hám basqada qurılısı pitken sociallıq obyektke qoyılatuǵın talaplarǵa say túrde qabıllap alıw zárúrligin atap ótti.